ប្រាកដណាស់អ្នកដែលនៅប្រទេសកម្ពុជាតែងតែញ៉ាំអាហារតាមផ្លូវទាំង៦នេះជាក់ជាមិនខានហើយអាហារទាំងអស់នេះសុទ្ធតែជាអាហរល្បីៗទាំង៦ដែលគេនិយមច្រើននៅប្រទេសកម្ពុជា។

មិនត្រឹមតែល្បីទេថែមទាំងឆ្ងាញ់ទៀត! ចង់ដឹងថាមានម្ហូបអីខ្លះ តោះទៅមើលទាំងអស់គ្នា!

១​​ លតឆា

លតឆាជាទូទៅគេតែងតែញ៉ាំវាជារៀងរាល់ព្រឹកហើយវាងាយស្រួលស្វែងរកបំផុតនៅតាមទីផ្សារនិងភោជនីយដ្ឋាននានា។ វាមានភាពរហ័សក្នុងការចម្អិនដែលមិនចំណាយពេលយូរ ហើយអាចខ្ចប់យកទៅញ៉ាំនៅផ្ទះបានយ៉ាងស្រួលផងដែរ។

២​ នំគូឆាយ

បើនំគូឆាយនេះវិញ ប្រាកដណាស់ថាម្នាក់ៗចូលចិត្តញ៉ាំតាំងពីនៅក្មេងៗ ហើយនំនេះផងដែរ គឺមានប្រភពចេញពីប្រទេសចិន។​ នៅផ្នែកខាងក្រៅនំ វាស្រួយ ហើយនៅក្នុងសាច់នំវាទន់ដែលគេលាយគ្រឿងជាមួយនឹងស្លឺកគូឆាយ ហើយគេញ៉ាំវាជាមួយនឹងទឹកត្រី។​

៣​ នំប៉័ងប៉ាតេ

បើនំប៉័ងប៉ាតេនេះវិញ នរណាៗក៏ចូលចិត្តវាដែរ ស្រួលរកញ៉ាំ លឿន ឆ្ងាញ់​ តម្លៃសមរម្យ ហើយគេតែងតែញ៉ាំវាសម្រាប់អាហារពេលព្រឹកឬញ៉ាំលេងពេលល្ងាច។ ប៉ុន្តែភាគច្រើន ឲ្យតែពេលជិះឡានទៅដើរលេងឆ្ងាយៗអីគឺអត់ភ្លេចទេនំប័ុងប៉ាតេហ្នឹង!

៤​ កំពឹសចៀន

សម្រាប់អ្នកចូលចិត្តរបស់ចៀនវិញ ដឹងតែភាគច្រើនចូលចិត្តញ៉ាំកំពឹសចៀនម៉ង ជ្រលក់ជាមួយអំបិលម្រេច ក្រូចឆ្មារ ឆ្ងាញ់កប់ម៉ង! ផ្សារណាក៏មានលក់ តម្លៃថោកសមរម្យហើយស្រួលរកញ៉ាំបានយ៉ាងងាយ! ជាពិសេសកាលពេលនៅរៀនបឋម វៃជួងចេញលេងភ្លាម ទៅទិញញ៉ាំភ្លាម។

៥​ ក្រឡាន

ក្រឡានបើនិយាយពីក្រឡានវិញ អ្នកណាៗក៏និយាយថាក្រឡានបាត់ដំបងឆ្ងាញ់ដែរ ព្រោះអីនៅទីនោះសំបូរក្រឡានហើយសុទ្ធតែឆ្ងាញ់ៗ! ហើយចំណែកឯនៅសៀមរាបក៏សម្បូរដែរ តែវាល្បីខ្លាំងនៅខេត្តបាត់ដំបង។

៦ លៀសហាល

ហើយបើលៀសហាលនេះវិញកាន់តែងាយស្រួលរក នៅតាមដងផ្លូវ​ ងាកឃើញៗជាពិសេសនៅរដូវប្រាំង។ ហើយម្នាក់ៗចូលចិត្តណាស់លៀសហ្នឹង ដោយសារតែគ្រឿងផ្សំ ប្រៃផង ហឹរផង ដែលគេលាយជាមួយនឹងលៀសហើយដាក់ហាលកណ្តាលថ្ងៃ។ លៀសក្តៅៗអញ្ចឹង ឆ្ងាញ់ណាស់ណា!

ហើយចំណោមអាហារទាំងអស់នេះ ចូលចិត្តញ៉ាំមួយណាជាងគេ?
កុំភ្លេច Like Share Comment ទាំងអស់គ្នាណា!